Адыгэ Республикэм имуниципальнэ хэбзэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!
ЧIыпIэ зыгъэIорышIэжьыным и Мафэ фэшI тышъуфэгушIо!
Хэгъэгумрэ тиобществэрэ ящыIакIэкIэ муниципальнэ хэбзэ къулыкъухэм мэхьанэу яIэр а мафэм къеушыхьаты. Ахэм яIофшIэн шIуагъэу къытырэм бэкIэ елъытыгъ цIыфхэм ящыIакIэ зыфэдэщтыр, чIыпIэхэм хэхъоныгъэу ашIыщтыр, къэралыгъо пшъэрылъышхохэм язэшIохын кIэухэу фэхъущтыр.
Мэхьанэшхо зиIэ ащ фэдэ лъэныкъохэмкIэ гъусэныгъэ пытэ зэдыряIэн фае чIыпIэ зыгъэIорышIэжьыным икъулыкъухэмрэ къэралыгъо хабзэм икъулыкъу­хэмрэ. Тигупсэ Адыгеир ущыпсэунымкIэ, Iоф щыпшIэнымкIэ, зыщыбгъэпсэфынымкIэ нахь дахэу, нахь гуIэтыпIэу хъуным ткIуачIэ етэхьылIэ.
ЧIыпIэхэм яхэбзэ къулыкъухэм цIыфхэм ящыIакIэ нахьышIу шIыгъэнымкIэ, муниципалитетхэм, республикэм ыкIи зэрэхэгъэгоу хэхъоныгъэ ашIынымкIэ афэлъэкIыщтыр зэкIэ зэрашIэщтым тицыхьэ телъ!
Ныбджэгъу лъапIэхэр, шъуиIэпэIэсэныгъэ, шъуипшъэдэкIыжь икъоу къызэрэжъу­гурыIорэм пае тышъуфэраз! Псауныгъэ пытэ, щыIэкIэшIу шъуиIэнэу, мэхьанэшхо зиIэ IофшIэным гъэхъэгъакIэхэр щышъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр