Уголовнэ Iофым изэхэфын лъэкIуатэ
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ къаIэкIигъэхьэгъэ материалхэмкIэ къаIэтыгъэ уголовнэ Iофыр зэпхыгъэр Красногвардейскэ районым иеджапIэхэм ащыщ горэм ипащэрэ ащ инэIосэ бзылъфыгъэмрэ зэрахьэгъэ бзэджэшIагъэр ары.
УФ-м и Уголовнэ кодекс ия 159-рэ статья ия 3-рэ Iахь къыдилъытэрэ шхъухьэр ахэм зэрахьагъэу ягуцафэх.
Следствием IэкIэлъ материалхэм нафэ къызэрашIырэмкIэ, еджапIэм ипащэ инэIосэ бзылъфыгъэм езэгъи, IофшIапIэм ыштагъ, ау IофшIэнымкIэ пшъэдэкIыжь гори ыхьынэу щытыгъэп. 2021-рэ илъэсым чъэпыогъум къыщыублагъэу 2023-м щылэ мазэм нэс бзылъфыгъэхэм сомэ мини 147-рэ яджыбэ ралъхьагъ, нахь тэрэзэу къэпIон хъумэ, атыгъугъ. Пащэм ахъщэр лэжьапкIэ е нэмыкI тын фэдэу а бзылъфыгъэм IэкIигъахьэщтыгъ, етIанэ зэрэфаеу ежьхэм ар агъэфедэщтыгъэ.
НепэкIэ зэхэфын Iофхэр лъэкIуатэх, бзэджэшIагъэм иушъхьагъухэр агъэунэфых.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу.