Урысыем и Следственнэ комитет Адыгэ РеспубликэмкIэ иследственнэ гъэIорышIапIэ МыекъуапэкIэ иследственнэ отдел Къэралыгъо автоинспекцием ишъолъыр гъэIорышIапIэ гъогу-патруль къулыкъумкIэ иинспектори 6-у Урысые Федерацием и Уголовнэ кодекс ия 290-рэ статья ия 3-рэ Iахь, ия 291.2-рэ статья иа 1-рэ Iахь зигугъу къа­шIырэ бзэджэшIагъэхэр зезыхьагъэхэм ­(къуалъхьэ зыштагъэхэм) уголовнэ Iофэу къафаIэтыгъэхэм язэхэфын ыухыгъ.

Урысыем щынэгъончъэнымкIэ и Федеральнэ ­къулыкъу Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI IофхэмкIэ и Ми­нистерствэ щынэгъончъэнымкIэ икъулыкъурэ яIофы­шIэхэм къаIэкIагъэхьэгъэ материалхэм атетэу уголовнэ Iофхэр къызэIуахыгъэх.
ЫпэкIэ макъэ къызэрагъэIугъагъэу, 2018-рэ илъэсым къыщегъэжьагъэу 2024-м нэс инспекторхэм Мые­къуапэ игъогухэм атехъухьэрэ тхьамыкIагъохэм афэгъэхьыгъэ къэбархэр аварийнэ комиссархэм якъулыкъу щылажьэхэрэм ыпкIэкIэ аIэкIагъахьэщтыгъэх.
Урысыем и Уголовнэ кодекс ия 290-рэ статья ия 3-рэ Iахь зигугъу къышIырэ бзэджэшIагъэхэр гъогогъу 11, ия 291.2-рэ статья иа 1-рэ Iахь щыгъэнэфэгъэ бзэджэшIагъэхэр гъогогъуи 6 зэрахьагъэкIэ инспектори 6-р агъэмысэ.
Уголовнэ Iофхэр хьыкумым рахьылIагъэх.