Мыекъуапэ игурыт еджапIэу N 7-м спорт зекIоным фытегъэпсыхьэгъэ кружокэу щызэхащагъэм къакIохэрэм зызщагъэсэн алъэкIыщт чIыпIэ яIэ хъугъэ. Мыщ кIэщакIо фэхъугъ еджапIэм ипащэ иупчIэжьэгъоу КIыкI Артур. ГухэлъыкIэм ыкIи амалышIухэр къэзытырэ проектым дырагъэштагъ гъэсэныгъэ яучреждением ипащэхэм, кIэлэегъаджэхэм ыкIи ны-тыхэм.

Зипсауныгъэ зыгъэпытэ, зифизическэ ухьазырыныгъэ зыушэты зышIоигъохэр зыщызэIукIэщтхэ, джащ фэдэу еджапIэхэм ащызэхащэгъэ къэгъэнэжьэкIо отрядхэм зызщагъэсэн алъэкIыщт чIыпIэ джы яIэ хъугъэ.
АгъэкIэжьыгъэ залым икъызэIухын фэгъэхьыгъэ мэфэкI Iофтхьабзэм хэлэжьэгъэ кIэлэеджакIохэм проектым амалыкIэу къытыхэрэр хьакIэхэм къарагъэлъэгъугъ.