Теннис цIыкIумкIэ Адыгэ Республикэм изэIухыгъэ турнир Мыекъуапэ щэкIо. Программэу «Урысыем инеущрэ маф» зыфиIорэм ар къыдыхэлъытагъ. ХагъэунэфыкIырэ чIыпIэхэр апэу къыдэзыхыгъэхэри къэнэфагъэх.

Адыгеим, Донецкэ ыкIи Луганскэ народнэ республикэхэм, Къырым, Къэбэртэе-Бэлъкъарым, Белгородскэ ыкIи Ростовскэ хэкухэм, Краснодар ыкIи Ставрополь крайхэм ялIыкIохэр зэ­нэкъокъух.
Пшъэшъэ 33-мэ яухьазырыныгъэ аушэтыгъ, ахэм ащыщэу 8-р Адыгеим испортсменых. Къэгъэлъэгъон анахь дэгъу зиIэр Ирина Славновар ары, ащ я 7-рэ чIыпIэр къыхьыгъ. Финал едзыгъом ащ къыщытекIуагъэх турнирым ятIо­нэрэ чIыпIэр щызыубытыгъэ Милана Рябоконьрэ я 6-рэ хъугъэ Лэбапэ щыщ Полина Олейниковамрэ. Джэрз медаль къыфагъэшъошагъ Къырым илIыкIоу София Богдан, Ставрополь краим итеннисисткэу Алия Канаматовам текIоныгъэр къыдихыгъ.
Зыныбжь илъэс 14-м емыхъугъэ­хэм язэнэкъокъу непэ рагъажьэ. Мы спорт лъэпкъыр зыгу рихьы­хэрэр Адыгэ къэралыгъо университетым иордэунэу Кобл Якъубэ ыцIэ зыхьырэм рагъэблагъэх.