Адыгэкъалэ дэт сымэджэ­щэу К.М. Батмэным ыцIэ зыхьырэм иврач шъхьаIэ игуадзэ хэбзэнчъэу сомэ мин 920-м ехъу бюджет ахъщэу къызфигъэфедагъ. ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ иIофы­шIэ­хэмрэ полицием икъулыкъухэмрэ зэгъусэхэу ар агъэунэфыгъ.

ХэбзэухъумакIохэм къызэратыгъэмкIэ, Адыгэ Республикэм щыпсэурэ бзылъфыгъэу илъэс 37-рэ зыныбжьым къырихьылIэгъэ документхэм къахэфагъ сэкъатныгъэу «иIэр» къэзыушы­хьатырэ тхылъэу узэу имыIэр лъапсэ зыфашIыгъэр. Социальнэ ахъщэ тынхэр къыIэкIэхьанхэмкIэ сэкъатныгъэу имыIэр иIэу аригъэтхын ащ ылъэкIыгъ. Ащ къыщымыуцоу, страховой пенсие фагъэуцуным пае лъэIу тхылъ арихьылIагъ уз гори зэримыIэр ыушъэфызэ. Сыдэу щытми, ыгъап­цIэхэзэ бюджет ахъщэу сомэ мин 920-м ехъу къызIэкIигъэхьан ылъэкIыгъ.
ФСБ-м Адыгэ РеспубликэмкIэ и ГъэIорышIапIэ иIофышIэхэм зэхащэгъэ уплъэкIунхэм яшIуагъэкIэ Урысыем и Уголовнэ кодекс ия 159.2-рэ статья ия 3-рэ Iахь къызэрэдилъытэрэм тетэу уголовнэ Iоф къаIэтыгъ. БзэджэшIагъэм лъапсэ фэхъугъэхэм язэхэфын макIо.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ
ипресс-къулыкъу