ДзюдомкIэ Европэм и Кубок ­икъыдэхын фэгъэхьыгъэ зэнэкъо­къоу къалэу Тбилиси щыкIуагъэм хэлэжьагъ ыкIи ящэнэрэ чIыпIэр къыщыдихыгъ Тэхъутэмыкъое районым испортсменкэу Бэгъу­шъэ Алинэ.

Кадетхэм азыфагу рагъэкIокIыгъэ Iоф­тхьабзэм Наш Щамил ыгъэсэрэ пшъа­шъэм ухьазырыныгъэ дэгъу къыщигъэлъэгъуагъ. Ар килограмм 48-м нэс къэзыщэчыхэрэм якуп хэтыгъ, тфэгъогогъо бэнагъэ, зым нэмыкIэу адрэхэр къыхьыгъэх, финалны­къом ихьанымкIэ зэIукIэгъоу иIагъэм къыщытекIуагъэх. Ащ ыуж зэкIэлъыкIоу тIогъо­гогъо атекIуагъ, джэрз медалым фэбанэзэ Оренбург хэкум илIыкIоу Сабина Аймухамедовам IукIагъ ыкIи ащ къышIуихьыгъ.
ЯтIонэрэ илъэс хъугъэу зэнэкъокъум те­кIоныгъэр къыщыдихыгъ Урысыем испорт­сменкэу София Захаровам.
Адыгэ Республикэм и ЛIышъхьэу КъумпIыл Мурат гъэхъэгъэшIу зышIыгъэ Бэгъушъэ Алинэ фэгушIуагъ, мыщ фэдэ лъэгапIэм нэсынымкIэ Адыгеим испортсменкэ пытагъэ къызэрэзхигъэфагъэр хигъэунэфыкIыгъ.