КаратэмкIэ Урысые зэнэкъокъухэр Орловскэ хэкум щыкIуагъэх. Илъэс 14 — 15, 16 — 17 ыкIи 18 — 20 зыныбжьыхэм заушэтыгъ. Iофтхьабзэм кIэщакIо фэхъугъэх УФ-м спортымкIэ и Министерствэрэ Урысыем каратэмкIэ и Федерациерэ.

Къэралыгъом ишъолъыр 61-мэ къарыкIыгъэ спортсмен 2200-рэ первенствэм хэлэжьагъэх. Илъэс 14 — 15 зыныбжьыхэм якуп хэтыгъэх Адыгеим испортсмени 4. Ахэр зыгъасэхэрэр Никита Попругинымрэ Владимир Дроженкэмрэ. Республикэм илIыкIоу Ярослав Грищенкэм джэрз медаль къыхьыгъ. Ащ зэIукIэгъуи 4 иIагъ. Апэрэм Воронежскэ хэкум испортсмен, ятIонэрэм Темыр Осетием-Аланием къикIыгъэм ащытекIуагъ. Финалныкъор шIуа­хьыгъ нахь мышIэми, ящэнэрэ чIыпIэр къыдихын ылъэкIыгъ. Зэ­нэкъокъум изэфэхьысыжьхэмкIэ, тиспортсмен разрядыкIэ къыфагъэшъошэщт.

Адыгеим щыщхэу Богдан Пас­тернак, Артем Александрин, Да­ниил Пастернак дэгъоу зыкъа­гъэлъэгъуагъ, зэIукIэгъу заулэ къахьыгъ, ау медальхэр къыда­хынхэ алъэкIыгъэп. ТапэкIэ ахэм текIоныгъэхэр къыдахынхэу тащэгугъы.
Джы «Кубок Петра Великого» зыфиIорэ зэнэкъокъоу Санкт-­Петербург щыкIощтым, джащ фэдэу жъоныгъуакIэм къалэу Орел щызэхащэщт Урысыем ипер­венствэ ахэлэжьэнхэу тиспорт­сменхэм загъэхьазыры.