ВолейболымкIэ Мыекъуапэ ичемпионат хэлэ­жьэрэ командэхэу хагъэунэфыкIырэ чIыпIэ-
хэр къыдэзыхын зылъэкIыщтхэр къэнэфагъэх.

Хъулъфыгъэ командэхэр пштэмэ, купхэм апэрэ чIыпIитIур ащызыубытыгъэхэр, джащ фэдэу ящэнэрэ чIыпIэр къыдэзыхыгъэ коман­дищым щыщэу тIур медальхэм афэбэнэщтых. ЗэIукIэгъухэр Адыгэ къэралыгъо университетым испорт зал щыкIощтых.
Мэлылъфэгъум и 12-м зэдешIэщтых: «СШ N 1» (2009) — «Шытхьал» (сыхьатыр 12:45-м), «СШ N 1» (2007) — «Приставы» (сыхьатыр 2-м), «ПК МГТУ» — «Трудовые резервы» (сыхьатыр 15:15-м), «Авангард» — «Дружина» (сыхьатыр 16:30-м).

Зэнэкъокъум бзылъфыгъэ команди 9 хэлэжьагъ. Купхэм апэрэ чIыпIитIур къащыдэзыхыгъэхэр финалныкъом щызэIукIэщтых. ТекIоныгъэр къыдэзыхыхэрэр финалым ихьащтых, адрэхэр я 3-рэ чIыпIэм фэбэнэщтых.
Мэлылъфэгъум и 13-м зэIукIэщтых: «СШ N 1» (2007) — «СШ N 1» (2010) (сыхьатыр 11:30-м), «Адыгея-01» — «Виктория-АГУ» (сыхьатыр 12:45-м).
Мы спорт лъэпкъыр зыгу рихьыхэрэр ешIэгъухэм яплъынхэу зэхэщакIохэм ра­гъэблагъэх.