Тэхъутэмыкъое районым ит къуаджэу Бжыхьэкъоежъым перинатальнэ клиническэ гос­питаль щагъэпсынэу ра­хъухьэ.

Ащ хэтыщт палатэ 29-рэ — сабый къэхъугъакIэхэм апае, стационар пIэкIор 68-рэ (ащ щыщэу 9-р сабый къэхъугъа­кIэхэм апае реанимационнэ отделениер), кабинет 31-р IэзапIэм иещт ыкIи 2-р ЭКО зыщашIыщт кабинетых. ПстэумкIи IофшIэпIэ чIыпIэ 453-рэ ащ къытыщт.
Проектыр пхырызыщыщтыр гъунэпкъэ гъэнэфагъэ зиIэ обществэу «Адыгеим Ян ыкIи и КIэлэцIыкIу» зыфиIорэр
ары. Адыгэ Республикэр ащ зэзэгъыныгъэм дыкIэтхагъ. Перинатальнэ гупчэм сомэ миллиарди 5,2-рэ пэIуа­гъэхьанэу агъэнафэ.