Мыекъопэ «Зэкъошныгъэм» ифутболист цIэрыIоу, анахьыбэрэ къэлапчъэм Iэгуаор дэзыдзагъэу Анатолий Абрамовым ишIэжь фэгъэхьыгъэ зэнэкъокъум хэлэжьэнхэу командэ 23-мэ зыкъагъэлъэгъуагъ.

Турнирэу «Абрамовым и Кубок» зыфиIорэр лигитIоу гощыгъэ. Ветеранхэм якуп (зыныбжь илъэс 40-м ехъугъэхэр) команди 9 хэт. Апэрэ едзыгъор аухынкIэ ахэм зы тур къафэнагъ, ащ ыуж финалныкъом ихьагъэхэр къэнэфэщтых.

НыбжьыкIэхэм ялигэ зыщызыушэтыхэрэр олимпийскэ шIыкIэм тетэу зэнэкъокъух. ЕшIэгъу пэпчъ текIоны­гъэр къыщыдэзыхырэр ыпэкIэ лъэкIуатэ, къызтекIуагъэхэр зэнэкъокъум хэзы. Командэ 14-м щыщэу къэнагъэр 4. Мы зыгъэпсэфыгъо мафэхэм финалым ихьащтхэр къэнэфэщтых. «Легионыр» командэу «Канониры», «Ошъутенэр» «Космосым» адешIэщтых. ЗэIукIэгъухэр мэлылъфэгъум и 12-м, космонавтикэм и Мафэ, рагъэкIокIыщтых.