Урысыем щынэгъончъэнымкIэ и Федеральнэ къулыкъу и ГъэIорышIапIэу АР-м щыIэм цIыфхэм макъэ арегъэIу бзэджэшIэ куп (бзэджэшIэ организацие) зэхэзыщэхэрэм е ащ хэлажьэхэрэм Урысыем и Уголовнэ кодекс ия 210-рэ статья диштэу  уголовнэ пшъэдэкIыжь зэрарагъэхьыщтымкIэ. Мы статьям зэрэщыгъэнэфагъэмкIэ, ащ фэдэ бзэджэшIагъэ зезыхьагъэхэр опсэуфэ хьапсым чIэсыщтых.

БзэджэшIэ куп (бзэджэшIэ организацие) зэхэзыщэхэрэм е ахэм ахэлажьэхэрэм мылъку къызIэкIагъэхьаным пае  бзэджэшIэгъэ хьылъэ ыкIи хьылъэ дэдэхэр зэрахьэх.

Мыщ фэдэ купхэм бзэджэшIагъэу зэрахьащтхэр пэшIорыгъэшъэу рахъухьэх, ахэр къычIамыгъэщынхэм иамалхэр зэрахьэх, сообществэм (организацием) инэмыкI купхэр зэгурыIонхэм, хэбзэухъумэкIо, къэралыгъо ыкIи муниципальнэ къулыкъухэм яIофышIэхэу къолъхьэ тын-Iыхыным хэщагъэхэм зэпхыныгъэ адыряIэным гъунэ лъафы.

Ахэм яструктурнэ подразделениекIэ заджэхэрэр нэбгыритIу е ащ ехъу зыхэхьэрэ купэу бзэджэшIагъэ зезыхьэрэр ары. Ащ фэдэ подразделениехэм къуалъхьэ зэраратырэм, документ нэпцIхэр зэрэзэхагъэуцорэм имызакъоу, сообществэм ыпашхьэ къиуцорэ нэмыкI Iофыгъохэри зэшIуахых.

БзэджэшIэ купхэм язэхэщакIохэр, ахэм япащэхэр ыкIи нэмыкI зэхэщэгъэ купхэм ялIыкIохэр зыхэлэжьэрэ зэIукIэр зэрэрагъэкIокIырэмкIэ пшъэдэкIыжь зэрагъэхьын алъэкIыщтхэр:

1.  зэхэщакIохэр;
2.  пащэхэр;
3.  зэхэщэгъэ купхэм янэмыкI лIыкIохэу бзэджэшIэ купым апшъэрэ чIыпIэ щызымыIыгъхэр ары.

БзэджэшIэ сообществэм хэхьэрэ структурнэ подразделением хэтхэу мамыр цIыфхэм е организациехэм атебэнэн мурад яIэу уIэшыгъэ бзэджэшIэ куп зэхэзыщэхэрэр УФ-м и Уголовнэ кодекс ия 209-рэ, ия 210-рэ  статьяхэм адиштэу пхъашэу агъэпщынэщтых.

Урысыем щынэгъончъэнымкIэ и Федеральнэ къулыкъу и ГъэIорышIапIэу АР-м  щыIэм ипресс-къулыкъу.