Зэнэкъокъоу «Кавказым изекIо тамыгъ» зыфиIорэм иапэрэ уцугъоу ре­кIокIыгъэм изэ­фэ­хьысыжьхэмкIэ, лъэгъупхъэ чIыпIипшIэу къыхахыгъэхэм Адыгеим и Лэгъонэкъэ бгыте­шъо ащыщ ­хъугъэ.

АР-м зекIонымкIэ ыкIи зыгъэпсэфыпIэ чIыпIэхэмкIэ и Комитет къызэри­тырэмкIэ, зэнэкъокъур хъытыум щырекIокIы, цIыфхэм ямэкъэтынхэм зэфэхьысыжьхэр къагъэ­нафэх. Пшъэрылъ шъхьа­Iэу иIэр Темыр Кавказым икъалэхэм, ишъолъырхэм зекIо тамыгъэ шъхьаIэу арытхэр гъэунэфыгъэн-
хэр ары. ПстэумкIи зэ­нэкъокъум лъэныкъуитф къыдыхэлъытагъ. «Кавказым инэпэеплъ шъхьаI» зыфиIорэм хэлэжьагъ Лэ­гъонэкъэ бгытешъор. ДжырэкIэ Iофтхьабзэм иятIонэрэ уцугъо макIо. Мэлылъфэгъум ыкIэм нэс, цIыфхэм ямэкъэтынкIэ джы пшIым анахь дэгъур къахахыщт. ШIоигъоныгъэ зиIэхэр ащ хэлэжьэнхэ алъэкIыщт. Ащ пае зэнэ­къокъум инэкIубгъо ухэ­хьан фае. Лэгъонакъэ апэрэ хъуным шъума­къэхэр фэшъутых.
Анцокъо Ирин.