Адыгэкъалэ иобщественнэ чIыпIэхэм язэтегъэпсы­хьан­кIэ хэхъоныгъэу ышIы­хэрэм ащыщ мы гъэтхэ ма­фэхэм урамэу Советскэм тет унэу N 23 А-м ищагу кIэлэцIыкIу джэгупIэу къыщызэIуахыщтыр.

Федеральнэ проектэу «Къэлэ Iэрыфэгъу псэукIэр» зыфиIоу лъэпкъ проектэу «ЩыIэныгъэм
пае инфраструктурэр» зыцIэм хахьэрэм къыдыхэлъытагъэу IофшIэнхэр агъэцакIэх.
Муниципальнэ гъэпсыкIэ зиIэ «Адыгэ­къалэ» иадминистрациерэ подрядчикэу аукционым ащытекIуагъэмрэ зэзэгъыныгъэу зэдашIыгъэм елъытыгъэу кIэлэцIыкIу джэгупIэм мыщ фэдэ Iоф­шIэнхэр щагъэцэкIэщтых: чIыпIэм тетыгъэ псэолъэжъхэр тырахыжьыщтых, ар агъэчъыщт, нэужым хьашъо ыкIыIу ты­рабзэщт, хъаренэхэр, кIэлэцIыкIумэ зы­къызщырагъэцIэлъэхыщт псэуалъэхэр, дэкIояпIэхэр тырагъэуцощтых. Джащ фэдэу тIысыпIэхэр, пыдзафэхэр зыра­тэкъощт щэлъэжъыехэр агъэуцущтых. IофшIэнхэр заухыкIэ, кIэлэцIыкIу джэгупIэр къашIыхьащт, къэзыгъэнэфырэ пкъэухэри агъэуцущтых.
Адыгэкъалэ иобщественнэ чIыпIэхэм язэтегъэпсыхьан пае сомэ миллиони 2-рэ мини 184-рэ къыфатIупщыгъ. Жъо­ныгъуакIэм ыкIэхэм анэс IофшIэнхэр аухынхэу щыт. Ащ къыщыкIагъэт­хъыгъ псэолъэшIынымкIэ, транспортымкIэ ыкIи псэупIэ-коммунальнэ хъызмэтымкIэ АР-м и Министерствэ.
ДжэгупIэр кIэлэцIыкIухэм яуахътэ зыщагъэкIощт чIыпIэ шIагъоу хъущт.
Джащ тетэу, лъэпкъ проектэу «Щы­Iэныгъэм пае инфраструктурэр» зыфиIорэм игъэцэкIэн цIыфхэм ящыIэ­кIэ-псэукIэ нахьышIу ешIы, ары ащ ипшъэ­рылъ шъхьаIэри.
Шъолъырым изэтегъэпсыхьан фэгъэ­хьыгъэ къэбархэм псэолъэшIынымкIэ, транспортымкIэ ыкIи псэупIэ-комму­нальнэ хъызмэтымкIэ АР-м и Минис­терствэ исоциальнэ хъытыухэм шъущядж (https://t.me/minstroy0I).