ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ макъэ къегъэIу чъыгхэр хэбзэнчъэу изыупкIыхэрэм Урысые Федерацием и Уголовнэ кодекс ия 260-рэ статья диштэу уголовнэ пшъэдэкIыжь зэрарагъэхьырэр, илъэси 7-м нэсэу хьапс атыралъхьан зэралъэкIыщтыр.

ЗэрашIоигъоу чъыгхэмрэ куандэхэмрэ зэрэраупкIыхэрэр, тыкъэзыуцухьэрэ дунаир ашкIэ зэрэзащагъакъорэр бээджэшIагъэу щыт, аш фэдэ бээджашIэхэм ягъогупэ пхъашэу пыбзыкIыгъэн фае.

Мэз фондым ич!ыгухэм, мэз фондым хэмыхьэрэ мэзхэм, мэшlоку, автомобиль гьогухэм къапэIулъ чIыгухэм, псэупIэхэм, псы фондым ячIыгухэм, нэмыкI чIыгу лъэпкъхэм къащыкIырэ чъыгхэр, куандэхэр, бжалъэхэр хэбээнчъэу зэрэраупкIыхэрэр бээджэшIагъэкIэ алъытэ.

Урысые Федерацием и Уголовнэ кодекс ия 260-рэ статья зигугъу къышырэ чъыгхэу, куандэхэу мэкъумэщ мэхьанэ зиIэ чIыгухэм, щагухэм, дачэхэм, чъыгхэтэлэжьыпIэхэм, мээгъэкIыпIэхэм, пхъэшъхьэ-мышъхьэ чъыгхэр, цумпэхэр, нэмыкI культурэхэр зышалэжьырэ чlыпIэхэм къащыкIыхэрэр, жьыуаемрэ жьыбгъэмрэ ракIыкIыгъэ чъыгхэр, чъыг гъугъэхэр зэрэраупкIыхэрэр бзэджэшIагъэкIэ алъытэрэп шэпхъэ правовой актхэм нэмыкI къыдамылъытэмэ.

Къэlогъэн фае чъыг, кондэ лъэпкъхэу раупкIыгъэхэм, тыкъэзыуцухьэрэ дунаим ээрарэу рахыгъэм ялъытыгъэу Урысые Федерацием и Уголовнэ кодекс ия 260-рэ статья диштэу уголовнэ пшъэдэкIыжь е Урысыем административнэ хэбзэукъоныгъэхэмкIэ и Кодекс ия 8.28- рэ статья диштэу административнэ пшъэдэкIыжь зэрарагъэхьырэр.

Зэшагъэкъогъэ чъыгхэр зыгъухэкIэ е хэбзэнчъэу чъыгхэр зыраупкIыхэкIэ, бээджэшIагъэ ээрахьагъэкIэ алъытэ. Хэбээнчъэу зекlуагъэхэкIэ алъытэ чъыгыр раупкIынэу Iизын къязытырэ билетыр, ордерыр амыIыгъзу ар зыраупкIыкIэ; документым итым нахьыбэу зыраупкIыкIэ; ащ шымыгъэнэфэгъэ пIалъэм зыраупкIыкIэ, заIэхэ мыхъушт чъыг лъэпкъхэу билетым (ордерым) шыгъэнэфагъэхэр зыраупкIыхэкIэ; мэз фондым иIахь агъэфедэнэу фитыныгъэ зэрямыIэжьым ехьылIэгъэ унашъор заштэгъэ нэуж чъыгхэр зыраупкIыхэкIэ. Урысыем и Уголовнэ кодекс ия 260-рэ статья диштэу хэбээнчъэу чъыгхэр зэрэраупкIыхэрэмкIэ уголовнэ пшъэдэкIыжь зыхьырэр зыныбжь илъэс 16-м шъхьадэкIыгъэхэр ары. БээджэшIагъэр зышыээрахьэгъэ чIыпIэм, тыкъэзыуцухьэрэ дунаим зэрарэу рахыгъэм, нэбгырэ пчъагъэу ащ хэлэжьагъэм ялъытыгъэу Урысые Федерацием и Уголовнэ кодекс ия 260-рэ статья диштэу уголовнэ пшъэдэкIыжь арагъэхьы. ЧIэнагъэу ашIыгъэр къырадзэ зыхъукIэ, чъыгэу раупкIыгъэхэм, зэшагъэкъуагъэхэм экологиемкIэ уасэу яIагъэр, къэкIыхэрэм, псэушъхьэхэм зэрарэу арахыгъэр, чIэнагъзу ашIыгъэр игъэкъужьыгъэным мылъкоу пэlухьагъэр къыралъытэх. Урысыем и Уголовнэ кодекс ия 260-рэ статья диштэу аш фэдэ бзэджэшIагъэ зезыхьагъэхэм тазыр е хьапс атыралъхьэ, егъэзыгъэкIэ Iоф арагъашIэ е пIалъэ горэкIэ IэнэтIэ гъэнэфагъэхэр аlыгъын фимытхэу ашlы.

ЧIэнагъэу ашIыгъэр игъэкъужьыгъэным фэгъэхьыгъэ дэо тхылъэу къарахьылIэхэрэр хьыкумхэм зэхафых. Бзэджэшlагъэ зэрэзэрахьэгъэ пхъэххэр, отычхэр, транспортыр аlахых.

Урысыем шынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу