Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ макъэ къегъэIу Урысые Федерацием ихэбзэгъэуцугъэу IэкIыб агентым ипшъэрылъхэр зыгъэцэкIэрэ мысатыу организациехэм яхьылIагъэм щыгъэнэфэгъэ шапхъэхэр къыдэзымылъытэхэрэм Урысыем и Уголовнэ кодекс ия 330.1-рэ статья диштэу уголовнэ пшъэдэкIыжь зэрарагъэхьыщтымкIэ, илъэси 5-м нэсэу ахэм хьапс атыралъхьан зэралъэкIыщтымкIэ.

Урысые Федерацием административнэ хэбзэукъоныгъэхэмкIэ и Кодекс ия 19.34-рэ статья иа 1-рэ Iахь зигугъу къышIырэ административнэ хэбзэукъоныгъэ зышIыгъэу административнэ пшъэдэкIыжь зэрагъэхьыгъэм IэкIыб агентым ипшъэрылъхэр зыгъэцэкIэрэ мысатыу организациехэм яреестрэ хэгъэхьэгъэн фэе документхэр аIэкIэгъэхьэгъэнхэмкIэ пшъэрылъэу иIэр илъэсым къыкIоцI тIогъогогъу зиукъорэм ащ фэдэ бзэджэшIагъэ  зэрихьагъэкIэ ар алъытэ.

Урысые Федерацием административнэ хэбзэукъоныгъэхэмкIэ и Кодекс ия 19.34-рэ статья ия 2 - 9-рэ Iахьхэм ащыгъэнэфэгъэ административнэ хэбзэукъоныгъэхэм ащыщ зышIыгъэу административнэ пшъэдэкIыжь зэрагъэхьыгъэм IэкIыб агентым Iоф зэришIэрэ шIыкIэр илъэсым къыкIоцI тIогъогогъу зызэщигъакъокIэ уголовнэ пшъэдэкIыжь зэрэрагъэхьыщтыр Урысыем и Уголовнэ кодекс ия 330.1-рэ статья ия 2-рэ Iахь итхагъ.

IэкIыб агентхэм яреестрэ хэгъэхьэгъэн фэе документхэр уполномоченнэ къулыкъум ехьылIэгъэнхэмкIэ пшъэрылъэу Урысые Федерацием ихэбзэгъэуцугъэ щыгъэнэфагъэр зымыгъэцакIэрэм Урысыем и Уголовнэ кодекс ия 330.1-рэ статья ия 3-рэ Iахь диштэу илъэси 5-м нэсэу хьапс тыралъхьан алъэкIыщт (Урысыем и Уголовнэ кодекс ия 275-рэ, ия 276-рэ статьяхэм зигугъу къашIырэ бзэджэшIагъэхэр ащ зэримыхьагъэхэмэ).

Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу