Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ хэбзэнчъэу уIэшыгъэ формирование зэхэзыщэрэм е ащ хэлажьэрэм уголовнэ пшъэдэкIыжь зэрэрагъэхьырэм цIыфхэм анаIэ тырарегъадзэ.

Ащ къызэритырэмкIэ, уIэшыгъэ формирование хэбзэнчъэу зэхэзыщэрэм е ащ хэлажьэрэм Урысыем и Уголовнэ кодекс ия 208-рэ статья диштэу уголовнэ пшъэдэкIыжь рагъэхьы, илъэс 20-м нэсэу хьапс тыралъхьэ.
АгъэмысэнымкIэ IэубытыпIэ хъухэрэр:
1) хэбзэнчъэу уIэшыгъэ формированиер зэрэзэхищагъэр;
2) ащ пэщэныгъэ зэрэдызэрихьэрэр;
3) мылъку зэрэпэIуигъахьэрэр;
4) ежь ышъхьэкIэ зэрэхэлажьэрэр (я 208-рэ статьям ия 2-рэ Iахь);
5) Урысые Федерацием ифедэхэм апэшIуекIоу Iашэхэмрэ дзэ техникэмрэ ыгъэфедэхэзэ, IэкIыб къэралхэм уIэшыгъэ зэIуупIэныгъэу, дзэ Iофтхьабзэу ащызэрахьэхэрэм зэрахэлажьэрэр.
Федеральнэ хэбзэгъэуцугъэм щыгъэ­нэфэгъэ шапхъэхэм апэшIуекIоу уIэшыгъэ формированиер зэхэщагъэ зыхъукIэ ары хабзэм димыштэу залъытэрэр. УФ-м ишъолъырхэм яхэбзэ къулыкъухэм, чIыпIэ зыгъэIорышIэжьынымкIэ къулыкъухэм, гъэцэкIэкIо хабзэм ифедеральнэ къулыкъухэм яунашъокIэ зэхащэрэ уIэшыгъэ формированиехэри хэбзэн­чъэу алъытэнхэ алъэкIыщт, сыда пIомэ хэгъэ­гум икъэухъумэнрэ ищынэгъончъагъэрэ афэгъэзагъэр Урысые Федерациер ары (УФ-м и Конституцие ия 71-рэ статья).
Формированием хэтхэм Iашэхэр, щэ-гынхэр, къагъэорэ пкъыгъохэр къызфагъэфедэ зыхъукIэ, уIэшыгъэ формированиекIэ ар алъытэ. Ащ хэхьанэу къезэгъыгъэм, ау формированием хэлажьэрэм ипшъэрылъхэм ягъэцэкIэн фемыжьагъэм, Урысыем и Уголовнэ кодекс ия 30-рэ статья ия 3-рэ Iахь, ия 208-рэ статья ия 2-рэ Iахь къащыдэлъы­тэгъэ пшъэдэкIыжь рагъэхьы.
УIэшыгъэ формированиехэр гухэлъ зэфэшъхьафхэм афэIорышIэнхэ алъэ­кIыщт: кIуачIэкIэ хабзэр штэгъэныр, Урысые Федерацием и Конституцие аукъозэ хэгъэгум конституционнэ гъэпсы­кIэу иIэр зэблэхъугъэныр ыкIи нэмыкIхэр.
УIэшыгъэ формирование зэрэзэхащэрэр, ащ пэщэныгъэ дызэрахьэу, ахъщэ фатIупщэу зэраублэрэр (Урысыем и Уголовнэ кодекс ия 208-рэ статья иа 1-рэ Iахь) е ащ зэрэхэлажьэхэрэр (Урысыем и Уголовнэ кодекс ия 208-рэ статья ия 2-рэ Iахь) бзэджэшIагъэкIэ алъытэх.
Хабзэм димыштэу уIэшыгъэ формирование зэхэзыщэхэрэм, ащ пэщэныгъэ дызезыхьэхэрэм ыкIи зимылъку фэзытIупщыхэрэм Урысые Федерацием и Уголовнэ кодекс ия 208-рэ статья иа 1-рэ Iахь, ащ хэлажьэхэрэм Урысыем и Уголовнэ кодекс ия 208-рэ статья ия 2-рэ Iахь ащыгъэнэфэгъэ пшъэдэкIыжь арагъэхьы. Ащ фэдэ уIэшыгъэ формированиехэм ахэтхэу бзэджэшIагъэ зезыхьэхэрэм Урысыем и Уголовнэ кодекс ия 208-рэ статья къыдилъытэрэ пшъэ­дэкIыжьыр арагъэхьы.
Урысыем и Уголовнэ кодекс ия 208-рэ статья ия 3-рэ Iахь зигугъу къышIырэ бзэджэшIагъэр ежь-ежьырэу зэрэзэпигъэугъэм къикIырэп цIыфым уголовнэ пшъэдэкIыжь рамыгъэхьыжьынэу.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу