Урысыем и Следственнэ комитет Адыгэ РеспубликэмкIэ иследственнэ гъэIорышIапIэ иотделэу мэхьанэшхо зиIэ Iоф­хэр зэхэзыфырэм Адыгеим щыщ бзылъфыгъэм уголовнэ Iоф къыфызэIуихыгъ. Урысыем и Уголовнэ кодекс ия 204-рэ статья ия 3-рэ Iахь ипунктэу «б-м» зигугъу къышIырэ бзэджэшIагъэ зэрихьагъэкIэ, къуалъхьэ аритыгъэкIэ ащ егуцафэх.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ къаIэкIигъэхьэгъэ материалхэм атетэу уголовнэ Iофыр къызэIуа­хыгъ.
Следовательхэм зэрагъэунэфыгъэмкIэ, 2024-рэ илъэсым ишэкIогъу Адыгеим щыщ бзылъфыгъэм экзамен Iамыхэу ухъу­мэкIо сэнэхьатыр ыIэ къызэрэригъэхьагъэр къэзыушыхьатырэ тхылъ фызэхагъэуцоным пае сэнэхьат тедзэ языгъэгъотырэ организацием ипащэ сомэ мин 36-рэ къуалъхьэу раригъэтыгъ.
БзэджэшIагъэм хэщэгъагъэ­хэм ягъэунэфынкIэ ищыкIэгъэ следственнэ, процессуальнэ Iофтхьабзэхэр джыдэдэм зэрахьэх. Уголовнэ Iофым изэхэфын лъэкIуатэ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу