Адыгэ Республикэм щыпсэурэ быслъымэнхэу
лъытэныгъэ зыфэтшIыхэрэр!
ТичIыпэгъу лъапIэхэр!

Мыщ фэдэ мафэм нэкIым икIэуххэр зэфахьысыжьых, шIоу ашIагъэм агу къыщигъэущыгъэхэм ягупшысэжьых, псэпэшIагъэхэр джыри нахь зэрагъэбэгъощтхэмкIэ гухэлъыкIэхэр ашIых.
Илъэсишъэ пчъагъэхэм нэкIыр зыфэIорышIэрэр цIыфхэм язэгурыIоныгъэ-зэдегъэштэныгъэ, цIыфыгъэ шэпхъэ дахэу тиобществэ хэлъхэр гъэпытэгъэнхэр, зэрэлъытэжьынхэр, зэдеIэжьынхэр, мамырэу зэдэ­псэунхэр ары. Непи ти Хэгъэгу ыкIуачIэ лъэпсэ пытэу иIэх а хэбзэ шIагъохэр.
Мы мэфэ нэфым Адыгеим ис быслъымэн пстэуми тафэлъаIо псауныгъэ пытэ яIэнэу, агу рэхьатэу ма­мырэу псэунхэу! Унагъо пэпчъ гушIуагъорэ щыIэкIэ­шIурэ ерэлъ!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу Владимир Нарожнэр

Адыгэ Республикэм щыпсэурэ быслъымэнхэр! Бирам мэфэкIышхомкIэ сыгу къыздеIэу сышъуфэгушIо. Мэзэ лъапIэм къыкIоцI шIоу, псапэ зыхэлъ Iоф дахэу шъушIагъэхэр Тхьэм фэдэ пчъагъэкIэ шъуфегъэбагъох.
Псауныгъэ пытэ, мамыр щыIакIэ, гъэшIэ дахэ шъуиIэнэу, шъуинэкI, шъуинэмазхэр Тхьэм къабыл шъуфишIынхэу сышъуфэлъаIо.
Адыгэ Республикэм ыкIи Пшызэ шъолъыр
ащыпсэурэ быслъымэнхэм ямуфтиеу
Къэрдэн Аскэрбый