Унэм чIэсхэр зыщызэдэгущыIэхэрэ зэхэщэгъэ купхэу телеграм- нэкIубгъом иаккаунтхэм ащыгъэпсыгъэхэм бэрэ гъэпцIакIохэр арыхьэхэ хъугъэ.

Мыщ фэдэу цIыфхэр зыщызэдэгущыIэхэрэ куп кIэу къызэIуахыгъэу зэрыт мэкъэгъэIу тхьапэр бзэ­джашIэхэм унэ чIэхьапIэхэм къыпалъэ. ПсэупIэ-коммунальнэ хъызмэтым иупчIэхэм яджэуапхэр агъотынхэм, унэм чIэсхэр зэдэгущыIэнхэм афэшI телеграмым инэкIубгъо ихьанхэ алъэкIынэу мэкъэгъэIум итхагъ.
Агъэделэхэрэр GR-код нэпцIым зихьэхэкIэ ахэм ятелеграм-нэкIубгъохэр бзэджашIэхэм къызIэкIа­гъахьэх. Ащ къыхэкIыкIэ учетнэ тхыгъэхэм ыкIи ка­нал гъэнэфагъэхэм бзэджашIэхэр арыхьанхэ ­
алъэкIы. Нэужым цIыфым икъэбарэу телефоным тетхэр бзэ­джашIэхэм зэрэфаеу агъэфедэн амал яIэ мэхъу.
Мы лъэныкъом цIыфхэм хэшIыкI икъу зэрэфырямыIэр гъэпцIакIохэм IэубытыпIэ ашIы.
Мыщ фэдэ чIыпIэ шъуимыфэным фэшI шъумышIэрэ сайтхэм шъуарымыхь, сакъыныгъэ къызхэжъугъаф.