Шъугу къэдгъэкIыжьын, 2025-рэ илъэсым гъэтхапэм и 11-м станицэу Ханскэм щыIэ къэхалъэхэм ащыщым дэт саугъэтхэмрэ а чIыпIэхэр зэрэгъэпкIэгъэ плиткэхэмрэ зэрэзэхакъутагъэхэм фэгъэхьыгъэ къэбарыр Мыекъуапэ идежурнэ часть къыIэкIэхьагъ.

Ащыгъум зэрагъэунэфыгъагъэмкIэ, зыщыщыр амышIэрэ бзэджашIэхэм саугъэт ыкIи плиткэ 25-рэ агъэфыкъуагъ. Полицием и Мыекъопэ къэлэ отдел дознаниемкIэ иподразделение уплъэкIунэу зэхищагъэхэм къакIэ­лъыкIоу уголовнэ Iоф къызэIуихыгъ.
Общественнэ мэхьанэ зиIэ хъугъэ-шIагъэм икъычIэгъэщынкIэ полицием икъулыкъушIэхэм Iофышхо ашIагъ. Оперативнэ-лъыхъун Iоф­тхьабзэу къулыкъушIэхэм зэрахьагъэхэм яшIуагъэкIэ Ханскэм щыщ бзэджашIэу илъэс 23-рэ зыныбжьыр къаубытыгъ. Ар ышIагъэм еуцолIэжьыгъ. Къэбарэу щыIэмкIэ, бзэджэшIагъэр зэрихьэ зэхъум ар ешъогъагъ.
Мы уахътэм ехъулIэу уголовнэ Iофэу къы­зэIуахыгъэмкIэ следственнэ уплъэкIунхэр рагъэкIокIых.
АР-м хэгъэгу кIоцI IофхэмкIэ и Министерствэ ипресс-къулыкъу.