СамбэмкIэ мэхьанэ­шхо зиIэ дунэе зэ­нэкъокъоу «Сам­бэм лъапсэ фэзы­шIыгъэхэм я Кубок»
зыфиIорэр гъэтха­пэм и 24-м щегъэ­жьагъэу и 25-м нэс Москва щыкIуагъ.

Урысыем, Азербайджан, Армением, Беларусь, Болгарием, Израиль, Казахстан, Кыргызстан, Монголием, Республикэу Кореем, Таджикистан, Узбекистан, Кипр, Никарагуа, Китай, Республикэу Конго къарыкIыгъэ спортсменхэм (зэкIэмкIи къэралыгъо 17-мэ ялIыкIохэм) заушэтыгъ. Мы илъэсым турнирыр я 45-у зэхащагъ.
Зэнэкъокъум дэгъу дэдэу зыкъыщызыгъэлъэгъуагъэхэм ащыщ олимпийскэ резервым испорт еджапIэ зыщызыгъэсэрэ Хьакъуй Амир. Ар килограмм 79-м нэс къэзыщэчыхэрэм якуп хэтыгъ ыкIи тыжьын медаль къыдихын ылъэкIыгъ. Спортсменым итренерых А. Де­лэкъомрэ А. Гъомлэшкымрэ.
ТикIалэ ыкIи ар зыгъасэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.