Урысые кIэлэцIыкIу гупчэу «Орленок» зыфиIорэмрэ хы ШIуцIэ шапсыгъэмэ я Адыгэ Хасэ икъутамэу ТIопсэ районым щыIэмрэ гъэсэныгъэм ыкIи культурэм алъэны-къокIэ зэрэзэдэлэжьэщтхэмкIэ зэзэгъыныгъэ зэдашIыгъ.

Илъэси 150-рэ хъугъэу мы чIыпIэм лъэпкъ зэфэшъхьафхэр щызэдэпсэух. Ахэм азыфагу зэгурыIоныгъэрэ зыкIыныгъэрэ илъ.
2021-рэ илъэсым Краснодар краим щызэхащэгъэ зэнэкъокъоу «Муниципальнэ практик анахь дэгъу» зыфиIорэм къэлэ гъэпсыкIэ зиIэ поселкэу Нэджэпсыкъо ятIонэрэ чIыпIэр къыщыдихыгъ. Урысые кIэлэцIыкIу гупчэу «Орленок» зыфиIорэм иIэпыIэгъу ишIуагъэкIэ адыгэ-шапсыгъэмэ ыкIи ермэл- амшенцэмэ ялъэпкъ культурнэ гупчэхэр поселкэм къыдэуцощтых.
Адыгэ Хасэм иобщественникхэр лъэ­шэу афэразэх зигугъу къэтшIыгъэ гупчэм ипащэу Джеус Александр Василий ыкъом, ащ игуадзэу, ТIопсэ муници­пальнэ округым идепутатхэу Андрей Меляковым, Анна Васильевам илъэс пчъагъэхэм къакIоцI къазэрэдэлажьэхэрэм ыкIи IэпыIэгъу къазэрэфэхъухэрэм афэшI.