ЫкIэм фэкIуагъ
ЦIыфхэм якIэсэ лъэс зекIонымкIэ мыекъопэ марафоныр ыкIэм фэкIуагъ. Ащ нэбгыри 190-рэ хэлэжьагъ.
Нэбгырэ пэпчъ пшъэрылъ зыфигъэуцужьыгъагъ мэфиблым лъэбэкъу мини 140-рэ ыкIунэу, ау ар къызыдэхъугъэр бэп. КIэуххэр джыри зэфахьысыжьых, арэу щытми, къэтIон тлъэкIыщт нэбгырэ 49-мэ ягухэлъ къызэрадэхъугъэр, ары пакIошъ, «Гъэмафэм тыпэгъокIы» зыфиIорэ лъэс зекIонымкIэ марафоным ишапхъэхэм ашIокIыгъэхэри ахэтых.
Пшъэрылъыр анахь шIэхэу зыгъэцэкIагъэр, хабзэ зэрэхъугъэу, Кощхьаблэ щыщ Псэунэ Назир, лъэбэкъу мини 140-р ащ мэфитIу имыкъукIэ ыкIугъ.
ЗэхэщакIохэм — Мыекъуапэ физическэ культурэмкIэ ыкIи спортымкIэ и Комитет дипломхэмкIэ, шIухьафтынхэмкIэ къыхигъэщыщтых Iофтхьабзэм ишапхъэхэр зыгъэцэкIагъэхэр.