Адыгэ РеспубликэмкIэ культурэм иIофышIэхэу лъытэныгъэ зыфэтшIыхэрэр!
Ныбджэгъу лъапIэхэр!

Шъуисэнэхьат епхыгъэ мэфэкIымкIэ тышъуфэгушIо!
Культурэм иучреждениехэм, музейхэм, тхылъ еджапIэхэм яIофышIэхэм, театрэхэмрэ концерт организациехэмрэ ащылажьэхэрэм, творческэ коллективхэм япащэхэм ыкIи культурэмрэ искусствэмрэ зищыIэныгъэ афэзгъэIорышIэгъэ пстэуми инэу тызэрэшъуфэразэр мы мафэм къэтэIо.
Шъо Iофэу шъушIэрэм лIэужхэр зэрепхых, Адыгеим ыкIи тихэгъэгу якультурнэ кIэн къэухъумэгъэнымкIэ ыкIи хэхъоныгъэ ышIынымкIэ ишIогъэшхо къэкIо, цIыфхэм ящыIакIэ нахь гъэшIэгъон къешIы, гъэхъэгъакIэхэм нахь къафеIэтых.
Гуетыныгъэшхо шъухэлъэу Iоф зэрэшъушIэрэм, шъуисэнэхьат шъузэрэфэшъып­къэм, творчествэмкIэ гъэхъэгъакIэхэр зэрэшъушIыхэрэм апае инэу тызэрэшъу­фэразэр къэтэIо.
Ныбджэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу, насып шъуиIэнэу, цIыф лъэпкъыбэмэ ялIыкIохэр зыщыпсэухэрэ Адыгеим ыкIи Урысыем яфедэ зыхэлъ Iофэу жъугъэцакIэрэм гъэхъэгъакIэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу
Владимир Нарожнэр