Депутатхэм апай
Адыгэ Республикэм и Къэралыгъо Совет – Хасэм ия 44-рэ зэхэсыгъо 2025-рэ илъэсым гъэтхапэм и 26-м зэхащэ.
Iофыгъоу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм хэгъэгу кIоцI IофхэмкIэ и Министерствэ 2024-рэ илъэсым Iофэу ышIагъэм икIэуххэм язэфэхьысыжьын; Адыгэ Республикэм и Законэу «Мэкъумэщ мэхьанэ зиIэ чIыгухэм лэжьыгъэу къатырэр нахьыбэ шIыгъэнымкIэ къэралыгъо Iофтхьабзэхэр гъэнэфэгъэнхэм ехьылIагъ», «Адыгэ Республикэм гъогузекIоныр зэрэщызэхэщагъэм иIофыгъо заулэхэм яхьылIагъ» зыфиIохэрэм ятIонэрэу ахэплъэгъэныр; Адыгэ Республикэм и Законхэу «Федеральнэ законэу «Къолъхьэ тын-Iыхыным пэуцужьыгъэным ехьылIагъ» зыфиIорэм епхыгъэ Iофыгъо заулэхэр гъэтэрэзыгъэнхэм ехьылIагъ», «Культурэм фэгъэхьыгъ» зыфиIохэрэм ыкIи нэмыкIхэм апэрэу ахэплъэгъэныр.
Адыгэ Республикэм и Къэралыгъо Совет — Хасэм изэхэсыгъо пчэдыжьым сыхьатыр 10-м рагъэжьэщт, Адыгэ Республикэм и ЛIышъхьэ и Координационнэ гупчэу Жуковскэм иурамэу N 22-м тетым щыкIощт.
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр