Урысыем гидрометеорологиемкIэ икъулыкъу иIофышIэхэм я Мафэрэ метеорологхэм я Дунэе мафэрэ афэшI тышъуфэгушIо!
ЧIыопс тхьамыкIагъохэр къэхъунхэм ищынагъо зыщыхэхъорэ лъэхъаным тыкъэзыуцухьэрэ дунаим изытет зыфэдэщтым фэгъэхьыгъэ прогнозхэмрэ шъуи­къулыкъу къытырэ къэбархэмрэ сыдигъуи фэмыдэу мэхьанэшхо яI. Ащ фэдэ къэбархэр пэшIо­рыгъэшъэу зэраIэкIэжъугъахьэрэм ишIуагъэкIэ цIыф-хэр чIыопс тхьамыкIагъохэм ащыухъумагъэ мэхъух, экономикэм илъэныкъо зэфэшъхьафхэм яIофшIэн зэпыурэп, зыпкъ итэу хэгъэгум хэхъоныгъэ ешIы.
ЧIыопсым изытет гъунэ лъызыфырэ къэралыгъо къулыкъоу 1926-рэ илъэсым къыщегъэжьагъэу Адыге­им Iоф щызышIэрэр гидрометеорологиемкIэ ыкIи тыкъэзыуцухьэрэ дунаим изытет лъыплъэгъэнымкIэ Гупчэу Росгидрометым зэхищагъэм зыхахьэрэр илъэс 27-рэ хъугъэ. А уахътэм къыкIоцI Гупчэм хэ­хъоныгъэ ышIызэ ыпэкIэ лъэкIуатэ, чIыопсым изытеткIэ къэралыгъо уплъэкIунхэр зэпыу имыIэу зэхещэх, прогнозхэмкIэ шIыкIэ-амалыкIэхэр егъэфедэх, Адыгэ Республикэм ихэхъоныгъэ иIахьышхо хешIыхьэ.
Адыгеим гидрометеорологиемкIэ икъулыкъу иIофышIэхэми, иветеранхэми IэпэIэсэныгъэшхо зэрахэ­лъым, гуетыныгъэ фыряIэу зэрэлажьэхэрэм афэшI лъэшэу тызэрафэразэр къэтэIо.
Ныбджэгъу лъапIэхэр, псауныгъэ пытэрэ щыIэкIэшIурэ шъуиIэнэу, Адыгеими, Урысыеми апае шъуиIофшIэн гъэхъагъэхэр тапэкIи щышъушIынэу тышъу­фэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр