Сэнэхьат фэгъэхьазы­рынымкIэ программэу «Адыгеим илIыхъужъхэр» зыфиIорэм джырэ уахътэм ехъулIэу тиреспубликэ нэбгырэ 80 фэдиз щатхыгъ. Ащ хэлажьэ зышIоигъохэм ятхын лъагъэкIуатэ.

Шъугу къэдгъэкIыжьын, программэм икIэщакIор Адыгеим и ЛIышъхьэу КъумпIыл Мурат, ар федеральнэ проектэу «ЛIыхъужъхэм яуахът» зы­фиIорэм дештэ. Iофтхьабзэм къы­дыхэлъытагъэу хэушъхьафыкIыгъэ дзэ операцием хэлажьэхэрэмрэ ащ иве­теранхэмрэ къэралыгъо ыкIи му­ниципальнэ гъэIорышIэнымкIэ шIэ­ныгъэхэр къызIэкIагъэхьанхэ алъэ­кIыщт, ахэр шъолъырым иIофшIэкIо резерв хагъэхьашъущтых.
КъумпIыл Мурат исоциальнэ нэ­кIубгъохэмкIэ пстэуми агу къыгъэ­кIыжьыгъ программэм хэлажьэ зы­шIоигъохэм зарагъэтхынымкIэ джыри уахътэ зэрэщыIэр.
— Мы программэр — тиухъумакIохэм щыIэныгъэм пэщэ IэнатIэкIэ зыкъыщагъэлъэ­гъонымкIэ, яамалхэр, акIуа­чIэ, яшIэныгъэхэр Адыгэ Респуб­ликэм, къэралыгъом яхэхъоныгъэ фагъэIорышIэнхэмкIэ къэкIопIэшIу, — къыт­хыгъ Адыгеим ипащэ.
Мыщ фэгъэхьыгъэ къэбар игъэкIо­тыгъэр ижъугъотэщт сайтэу www.героиадыгеи.рф.