БаскетболымкIэ Урысыем ичемпионат иап­шъэрэ лигэ щешIэрэ «Динамо-МГТУ-м» мэ­хьанэшхо зиIэ ешIэгъухэм зафегъэхьазыры.

Гъэтхапэм и 21 — 22-м тихьа­кIэщт Ставрополь икомандэу «Южный слон» зыфиIорэр. Зэ­IукIэгъуибгъу хъугъэу динамовцэхэм текIоныгъэр къыдахышъу­рэп. Джырэ уахътэм мы командитIум очко пчъагъэу яIэр зэфэдиз. Адыгеим илIыкIохэм я 8-рэ чIыпIэр къыдахыным пае мы ешIэгъухэр къахьын фае. А пшъэ­рылъыр замыгъэцакIэкIэ, къыкIэ­лъыкIощт едзыгъом апэрэу имы­хьанхэ алъэкIыщт.
Мы спорт лъэпкъыр зыгу ри­хьыхэрэр зэIукIэгъухэм яплъынхэу ыкIи тикомандэ фэгумэкIынхэу зэхэщакIохэм рагъэблагъэх. Гъэт­хапэм и 21-м пчыхьэм сыхьатыр 7-м ыкIи гъэтхапэм и 22-м, ма­фэм сыхьатыр 2-м командэхэр зэIукIэщтых. УзэрэчIэхьащтым ыпкIэ лъыптын ищыкIагъэп.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Динамо» (Уфа) — 65.
2. «Русичи» (Курск) — 58.
3. «Нефтехимик» (Тобольск)— 55.
4. «Чебоксарские ястребы» (Чебоксары) — 53.
5. «ЦСП-Химки» (Московскэ хэку) — 50.
6. «Десна» (Брянск) — 49.
7. «Металлург-Челбаскет» (Че­лябинскэ хэку) — 49.
8. «Южный слон» (Ставрополь) — 47.
9. «Динамо-МГТУ» (Мые­къуапэ) — 47.
10. «ТСК-УРАЛ-УрГУПС» (Ека­теринбург) — 36.