ЕшIэгъуибл яIагъ

ВолейболымкIэ Мыекъуапэ ичемпионат къыдыхэлъытэгъэ ешIэгъуибл командэхэм яIагъ.
Шъугу къэдгъэкIыжьын, Адыгеим икъэлэ шъхьаIэ, Мыекъопэ, Джэджэ, Кощхьэблэ, Шытхьэлэ ыкIи Мостовской районхэм ялIыкIохэр зэнэкъокъум хэлажьэх.
Хъулъфыгъэ командэхэм зэIукIэгъуитф яIагъ. «Дружинэмрэ» «Шытхьалэрэ» яешIэгъу гъэшIэгъонэу кIуагъэ. ТекIоныгъэр къыдэзыхыщтыр къэнэфэным фэшI командэхэм партии 5 яIагъ. «Дружинэр» нахь лъэшэу къычIэкIыгъ, пчъагъэр — 3:2.

Я 3-рэ турым изэфэхьысыжьхэр:
«Мостовской район» — «Джаджэ» — 3:0, «Авангард» — «Фыщт иветеранхэр» — 3:0, «Дружина» — «Шытхьал» — 3:2, «Приставы» — «СШ N 1» (2011) – 3:0, «Трудовые резервы» — «СШ N 1» (2009) — 0:3.
Бзылъфыгъэ командэхэм ешIэгъуитIу яIагъ. Къуаджэу Еджэркъуае илIыкIохэм спорт еджапIэу N 1-м (2010) иволейболисткэхэм апэрэ партиер къашIуахьыгъ. Ау къоджэдэсхэм ащ нахьыбэ къадэхъугъэп, къыкIэлъыкIорэ едзыгъуищыр ашIуахьыгъ.
Шытхьалэ икомандэ «Адыгея-Пантеры» зыфиIорэм 2:0-у текIозэ, республикэм испортсменкэхэм пчъагъэр зэфэдиз ашIын алъэкIыгъ. Ау аужырэ партием краим илIыкIохэр нахь щылъэшыгъэх, 3:2-у текIоныгъэр къыдахыгъ.
КъыкIэлъыкIощт турым къыдыхэлъытэгъэ ешIэгъухэр мы зыгъэпсэфыгъо мафэхэм Адыгэ къэралыгъо университетым испорт
зал щыкIощтых. Волейболыр зыгу рихьыхэрэр ахэм яплъынхэу зэхэщакIохэм рагъэблагъэх.