Адыгэ Республикэм и Къэралыгъо Совет – Хасэм идепутатхэу, Адыгэ Рес­публикэм имуниципальнэ образованиехэм ялIыкIо къулыкъухэм ядепутатхэу лъытэныгъэ зыфэтшIыхэрэр!
Адыгэ Республикэм ипарламентаризмэ и Мафэ фэшI тышъуфэгушIо!
Республикэм ихэхъоныгъэкIэ законихъухьэ хабзэм мэхьанэшхо зэриIэр мы мафэм къеушыхьаты. ЦIыфхэм яфедэхэр къэзыгъэгъунэрэ парламентым Адыгеим ихэхъоныгъэ, мамырныгъэм, лъэпкъ, дин зэгурыIоныгъэм якъэухъумэн афэIорышIэрэ правовой лъэпсэ пытэм изэхэщэнкIэ мэхьанэшхо иI.
Адыгэ Республикэм и Къэралыгъо Совет – Хасэм хабзэм икъутэмэ пстэуми, гражданскэ обществэми зэдэлэжьэныгъэ пытэ адыриI, сыдигъуи къырэкIо, рес­публикэм къыщыхъурэ хъугъэ-шIагъэхэм ренэу чанэу ахэлажьэ, общественнэ щыIэныгъэм илъэныкъо зэфэшъхьафхэр зэрагъэIорышIэрэ законхэм якъыхэхынкIэ ыкIи яштэнкIэ ищыкIэгъэ амалхэр зэрехьэх.
Адыгэ Республикэм иправовой лъапсэ игъэпытэн шIогъэшхо къытэу Iоф зэрэдашIэрэм, цIыфхэм ящыIэкIэ-псэукIэ нахьышIу шIыгъэным агу етыгъэу зэрэдэлажьэхэрэм, хэдзакIохэм яфедэхэр къагъэгъунэзэ, мэхьанэшхо зиIэ унашъохэр аштэн зэралъэкIырэм афэшI депутатхэм лъэшэу тызэрафэразэр къэтэIо.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, Адыгейми, Урысыеми апае хэбзэихъухьанымкIэ гъэхъагъэхэр тапэкIи шъушIынэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу
Владимир Нарожнэр