Адыгабзэмрэ тхыбзэмрэ я Мафэ фэшI тышъуфэгушIо!
Адыгэхэм якультурэ кIэн къэухъу­мэгъэнымкIэ ыкIи хэхъоныгъэ егъэшIыгъэнымкIэ мэхьанэшхо зиIэ мафэу щыт мы мэфэкIыр. ЦIыфхэр зэрэзэдэгущыIэхэрэ амалэу адыгабзэр зэрэщытым имызакъоу, лIэшIэгъубэ хъугъэу лIэужхэм зэIэпахырэ шэн-­хабзэхэми лъэпкъ шIэныгъэми ар язехьакIу. Ащ цIыфхэр нахь зэфещэх, лъэпкъым итарихърэ нэмыкI лъэпкъхэм ахэзымыгъэкIокIэрэ нэшанэхэмрэ къеухъумэх.
Сыдигъуи фэмыдэу непэ адыгабзэм икъызэтегъэнэжьынкIэ апашъхьэ пшъэрылъышхо ит. КъыткIэхъу­хьэрэ лIэужхэм адыгабзэр аIулъынымкIэ, ныдэлъфыбзэмрэ лъэпкъ культурэмрэ шIу алъэгъухэу ныбжьыкIэхэр пIугъэнхэмкIэ тиреспубликэ Iофышхо щызэшIуахы.
Къэралыгъо хабзэм икъулыкъухэм, наукэм щылажьэхэрэм, общественнэ организациехэм, адыгабзэ зыIулъ пэпчъ акIуачIэ зэрэзэдырахьылIэрэм тицыхьэ тырегъэлъы адыгэ лъэпкъым, Адыгэ Республикэм щыпсэурэ пстэуми якультурэ-тарихъ кIэн бай изы Iахьышхоу щыт бзэм икъызэтегъэ­нэжьынкIэ Iофтхьабзэу зэрахьэхэрэм кIэух дэгъу къызэратыщтым.
КIэлэегъаджэхэм, наукэм, культурэм яIофышIэхэм, общественнэ Iофхэм апылъхэм, адыгабзэм изэгъэ­шIэнрэ икъэухъумэнрэ афэгъэзэгъэ пстэуми тызэрэшъуфэразэр къэтэIо.
Адыгабзэр тапэкIи щэрэI, хэхъоныгъэ ерэшI, ащ идэхагъэрэ ибаиныгъэрэ къыткIэхъухьащт лIэужхэмкIэ осэнчъэ мылъкоу къэрэнэжь!
ТичIыпIэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, мамыр огур шъуашъхьагъ итынэу, шъузэгурыIоу, шIоу щыIэр къыжъудэхъоу шъущыIэнэу шъуфэтэIо!
Адыгэ Республикэм ­и ЛIышъхьэу,
Урысые политическэ партиеу «Единэ Россием» и Адыгэ
шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр