ВолейболымкIэ Мыекъуапэ ичемпионат къыдыхэлъытэгъэ зичэзыу ешIэгъухэр командэхэм яIагъэх.

Гъэтхапэм и 8-м хъулъфыгъэ командэхэр зэнэкъокъугъэх. «Авангардыр» «Медым» 3:0-у текIуагъ. «ПК МГТУ-р» «Мостовской районым» нахь лъэшыгъ, пчъагъэр — 3:1. Спорт еджапIэу С.М. Джэнчатэм ыцIэ зыхьырэм илIыкIохэм командэу «СШ Шытхьал» зыфиIорэм къышIуахьыгъ. «АГУ-Мары» ыкIи «Шытхьалэм» яешIэгъу зэкIэми анахь гъэшIэгъоныгъ. Гъунэгъу краим испортсменхэм яплIэнэрэ партиер ашIуахьызэ, зэлъыпытэу очкоуи 8 къахьи, 3:1-у текIоныгъэр къыдахыгъ.
Бзылъфыгъэ командэхэм зэIукIэгъуищ яIагъ. «Адыгея-01-мрэ» спорт еджапIэу С.М. Джэнчатэм ыцIэ зыхьырэм зыщызыгъасэхэрэм якомандэрэ (2007-рэ илъэсым къэхъугъэхэр зыхэтхэр) текIоныгъэ къыдахыгъ. Командэхэу «АГУ+» ыкIи «Еджэркъуай» зыфиIохэрэм яешIэгъу текIоныгъэр къыщыдэзыхыгъэр къэ­нэфэным фэшI партии 5 яIагъ. Бысымхэр нахь лъэшыгъэх, 3:2-у зэIукIэгъур ау­хыгъ.

КъыкIэлъыкIощт турым къыдыхэлъы­тэгъэ ешIэгъухэр мы къэблэгъэрэ зыгъэпсэфыгъо мафэхэм Адыгэ къэралыгъо университетым испортзал щыкIо- щтых.
Хъулъфыгъэхэр (гъэтхапэм и 15-м):
«Мостовской район» — «Джаджэ», «Авангард» — «Фыщт иветеранхэр», «Дружина» — «Шытхьал», «Приставы» — «СШ N 1» (2011), «Трудовые резервы» — «СШ N 1» (2009).
Бзылъфыгъэхэр (гъэтхапэм и 16-м):
«СШ N 1» (2010) – «Еджэркъуай», «СШ N 1» (2007) – «Шытхьал», «Адыгея-Пантеры» — «СШ Шытхьал».