Мыекъуапэ щы­псэухэрэм псыр зэраратыщтыгъэ шIыкIэр зэтыра­гъэуцожьыгъ. Мыщ епхыгъэ унашъом кIэтхэжьыгъ къа­лэм ипащэ.

«Мыекъопэ водоканалым» къызэритыгъэмкIэ, ом изытет зыпкъ зэриуцожьыгъэм ыкIи псыугъоипIэм псыр къызэри­хъожьыгъэм ишIуагъэкIэ гъэтхапэм и 8-м къыщегъэжьагъэу псыр дэгъоу къакIо хъужьыгъэ.
Къэлэ администрацием къызэрэщаIуагъэмкIэ, 2022-рэ илъэсым атIупщыгъэ псырыкIопIэ къутамэр ыкIи псыубытыпIэу псы­хъоу Водопадистэм тетыр зыпкъ зэрэрагъэуцожьыгъэм ишIуагъэкIэ Адыгеим икъэлэ шъхьаIэ шапхъэхэм адиштэу псыр къыIэкIахьэ. КъэIогъэн фае, ом изытет къызызэIыхьэгъэ лъэхъаным фабэр ыкIи псы стырыр зэпамыгъэоу социальнэ псэуалъэхэм ыкIи апэрэ къатхэм аIэкIагъэхьан алъэкIыгъ. Арэу щытми, мэзаем тикъушъхьэхэм лъэшэу къызэращесыгъэм къыхэкIэу псыкъычIэщыпIэхэм арыт псыр макIэ хъугъагъэ.
Мы мафэхэм псыубытыпIэхэм къалэм фэхъун псыр арыт.