СамбэмкIэ Урысыем ичемпионат къалэу Краснодар щы­кIуагъ. Мыщ къэралыгъом ибэнэкIо анахь лъэшхэр хэлэжьагъэх. Iофтхьабзэр спортымрэ IэпэIэсэныгъэмрэ ямэ­фэкI шъыпкъэ хъугъэ.

Килограмм 71-м нэс къэзыщэчыхэрэм якуп хэтыгъэ Наш Расул дышъэ медаль къы­хьыгъ. Тренерхэу Джарымэ­къохэу Рус­тамрэ Азмэтрэ агъэ­сэрэ кIалэр Урысыем исамбист анахь лъэш­хэм зэращыщыр джыризэ къы­гъэшъып­къэ­жьыгъ, дунэе зэнэ­къо­къум хэлэжьэнэу джырэ уахъ­тэм зе­гъэхьазыры.
Гъомлэшк Анзор килограмм 64-м нэс къэзыщэчыхэрэм якуп зыщиушэтыгъ ыкIи тыжьын медаль къыфагъэшъошагъ. Ар зыгъасэхэрэр Делэкъо Адамрэ Гъомлэшк Алыйрэ. Джы ар сам­бэмкIэ Европэм ичемпионат хэлэжьэщт.

Тиспортсменхэм афэгушIуагъ Адыгэ Республикэм и ЛIышъхьэу КъумпIыл Мурат.
— Мы къэгъэлъэгъонхэм яшIуагъэкIэ тибэнакIохэм самбэмкIэ дунаим ыкIи Европэм ячемпионатхэм ахэлэжьэнхэу фитыныгъэ къыдахыгъ. Адыгеим илIыкIохэм мы турнирхэми гъэ­хъэгъэшIухэр зэрэщашIыщтхэм, класс ин къызэрагъэлъэгъощтым сицыхьэ телъ, — къыщитхыгъ республикэм ипащэ ителеграм-­нэкIубгъо.
Тиспортсменхэм ыкIи ахэр зыгъасэхэрэм тафэгушIо, лъэгэ­пIэшIухэм анэсынхэу, тапэкIи Адыгеим ыцIэ дахэкIэ рарагъэ­Iонэу афэтэIо.