Адыгеим гъэтхэ губгъо Iоф­шIэнхэр щырагъэжьагъэх. ЧIыгулэжьхэр мэфэ фабэу къэкIуагъэхэр къызфагъэфедэзэ бжыхьэсэ лэжьыгъэхэм яшIушIэх.

ИкIыгъэ мэзаем икъихьагъухэм гектар 1895-мэ чIыгъэшIухэр аратыгъагъэх. Чъы­Iэ дэдэ къызэхъум ар зэпагъэун фаеу хъугъагъ, къызэфэбэжьым падзэжьыгъ.
Джащ фэдэу агрохимическэ къулыкъум и Гупчэ АР-кIэ и ГъэIорышIапIэ бжыхьэсэ лэжьыгъэм, ар зыхэлъ чIыгум язытет зэрегъашIэ. УплъэкIунхэр зишIыхэрэм ыуж, хьасэ пэпчъ щыкIагъэу иIэр, чIыгъэ­шIоу ехьылIэгъэн фаер къыгъэнэфэщт.
Неущ лэжьыгъэр, чIыгур зыфэдэщтхэр тапэкIэ ом зызэригъэпсыщтым, непэ зэряшIушIэхэрэм бэкIэ зэрялъытыгъэр АР-м мэкъумэщ хъызмэтымкIэ и Минис­терствэ къыщыхагъэщыгъ.
— Научнэ уплъэкIунхэм къагъэнэфэгъэ шапхъэхэм адиштэу, гъатхэм икъи­хьагъум бжыхьасэхэм чIыгъэшIухэр аIэ­кIагъа­хьэ­хэмэ, лэжьыгъэ бэгъуагъэ къырахыжьыным фэIорышIэщт, — къаIуагъ специалистхэм.
Адыгеим ичIыгулэжьхэм мыгъэ Iуа­хыжьынэу бжыхьэсэ лэжьыгъэ гектар мини 108,9-рэ яI.