Псэолъи 168-рэ агъэцэкIэжьыщт
«Россети Кубань» зыфиIорэм и Адыгэ шъолъыр къутамэ 2025-рэ илъэсым киловольти 10/0,4-рэ кIуачIэ зиIэ станциеу 168-рэ ыгъэцэкIэжьыщт.
Ахэр Краснодар краим и Апшеронскэ ыкIи Шытхьэлэ, Адыгэ Республикэм и Джэджэ, Мыекъо-
пэ, Красногвардейскэ, Кощхьэблэ ыкIи Шэуджэн районхэм, Мыекъопэ къэ-лэ псэупIэ коим ахахьэхэрэм адэтых.
ХъызмэтшIапIэм иIофышIэхэм станциехэм яоборудованиеу жъы хъугъэр зэблахъущт, чIыпIэу къызэлъаубытырэр агъэкъэбзэщт, атетхагъэхэр агъэкIэжьыщтых. IофшIэнхэм анахьыбэр подрядчикхэр къырамыгъэблагъэхэу, ежьхэм зэшIуахыщт.
Адыгэ электрическэ сетьхэм Пшызэ шъолъыррэ Адыгеимрэ ямуниципальнэ образовании 8-мэ яфэIо-фашIэхэр егъэцакIэх. Ахэм зэкIэмкIи нэбгырэ мин 550-рэ фэдиз ащэпсэу. Къутамэм киловольт 35 — 110-рэ зыкIуачIэу подстанцие 60-рэ киловольти 6-10/0,4-рэ зиIэу мини 2,3-рэ епхыгъ.