Гъэтхапэм и 10-р — Адыгэ Республикэм и Конституцие и Маф
Адыгэ Республикэм щыпсэухэу лъытэныгъэ зыфэтшIыхэрэр!
Тиреспубликэ итарихъ къыхэхъухьэгъэ хъугъэ-шIэгъэшхом – Адыгэ Республикэм и Конституцие заштагъэр илъэс 30 зэрэхъурэм фэшI тышъуфэгушIо!
Адыгееу цIыф лъэпкъыбэмэ ялIыкIохэр зыщыпсэухэрэмкIэ 1995-рэ илъэсым гъэтхапэм и 10-м мэхьанэшхо иI: Урысые Федерацием ишъолъырхэм зыкIэ ащыщ тиреспубликэ тапэкIэ хэхъоныгъэу ышIыщтыр, гъогоу зэрыкIощтыр ащ къыгъэнэфагъ.
Обществэм мамырныгъэрэ зэгурыIоныгъэрэ хэлъынхэмкIэ, общественнэ-политикэ зыпкъитыныгъэ щыIэнымкIэ Конституциер цыхьэшIэгъу лъапсэу хъугъэ, культурэмрэ гушъхьэлэжьынымрэ хэхъоныгъэ ашIынымкIэ амалыкIэхэр аригъэгъотыгъэх, федеральнэ гупчэм дытиIэ фыщытыкIэхэр кIэу гъэпсыгъэнхэмкIэ, республикэм иэкономикэ шIуагъэу къытырэм зыкъегъэIэтыгъэнымкIэ ишIогъэшхо къэкIуагъ.
Адыгэ Республикэм и Конституцие тирепубликэ нахь зэтегъэпсыхьагъэ хъунымкIэ, цIыфхэм ящыIакIэ зыкъыIэтынымкIэ, экономикэм хэхъоныгъэ ышIынымкIэ, социальнэ лъэныкъом зэхъокIыныгъэшIухэр фэхъунхэмкIэ, ти Хэгъэгушхо – Урысые Федерацием ыкIуачIэ нахь пытэнымкIэ пшъэрылъэу къытпыщылъхэр нахь дэгъоу зэшIотхынхэмкIэ лъэпсэшIу зэрэхъущтым тицыхьэ телъ.
ТичIыпIэгъу лъапIэхэр, зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ гъэпсын IофшIэным гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр