Гъэтхапэм и 8-р — бзылъфыгъэхэм я Дунэе маф
Тибзылъфыгъэ лъапIэхэр
Бзылъфыгъэхэм я Дунэе мафэ фэшI гуфэбэныгъэ хэлъэу тышъуфэгушIо!
Мы гъэтхэ мэфэкI шIагъом ренэу фэбагъэ горэ къыпхелъхьэ, зэхэшIэ, гупшысэ дахэхэр шъхьэм къырегъахьэх. ЧIыопсыр къызэрэущыжьырэм игъусэу ащ тыгу къегъэкIыжьы бзылъфыгъэр щыIэныгъэм икъэкIуапIэу зэрэщытыр ыкIи исабыйхэм а щыIэныгъэр зэрэлъагъэкIотэщтыр.
Бзылъфыгъэхэм мы дунаим дэхагъэрэ фэбагъэрэ къыхалъхьэ. Шъуихъупхъагъэ, шъуищэIагъэ, шъуиIушыгъэ, шъуигукIэгъу, джэныкъом иухъумакIоу шъузэрэщытым апае лъытэныгъэшхо къэжъулэжьыгъ.
ШъуиIофшIэнкIи бзылъфыгъэ шэн шIагъохэр дэгъу дэдэу шъогъэфедэх: пшъэдэкIыжьэу шъухьырэр икъоу зэхэшъошIыкIы, теубытагъэ хэлъэу шъуигухэлъ шъуфэкIо, Адыгеим ыкIи ти Хэгъэгушхо гъэхъэгъакIэхэр ашIынхэм чанэу шъухэлажьэ.
Хэгъэгум иухъумакIо и Илъэсрэ Хэгъэгу зэошхом ТекIоныгъэр къызыщыдэтхыгъэм ия 80-рэ илъэсрэ япхыгъэу анахьэу къыхэдгъэщынэу тызыфаер Хэгъэгу зэошхом хэлэжьагъэхэм, зэо кIыбым Iоф щызышIагъэхэм, бзылъфыгъэ – дзэкъулыкъушIэхэу непэ ти Хэгъэгу ищынэгъончъагъэ къэзыухъумэхэрэм, джащ фэдэу хэушъхьафыкIыгъэ дзэ операцием хэлажьэхэрэм яшъхьэгъусэхэу, янэхэу, ашыпхъухэу ахэм агу къэзыIэтыхэрэм инэу тызэрафэразэр ары.
Тибзылъфыгъэ гохьхэр, тыгу къыддеIэу зэкIэми тышъуфэлъаIо псауныгъэ пытэ, унэгъо насып дахэ шъуиIэнэу, шIоу щыIэр зэкIэ къыжъудэхъунэу!
АР-м и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
АР-м и Къэралыгъо Совет — Хасэм и Тхьаматэу Владимир Нарожнэр