Апэрэу «Адыгэ макъэм» сыкъэтхэным, сикъэлэмыпэ къэсштэным ушъхьагъу фэхъугъэр къысэIэзэрэ врачэу Кушъу Ларисэ Теуцожь ыпхъум рэзэныгъэ гущыIэхэр къыфэсIонхэр ары.

Мыекъопэ къэлэ IэзапIэу N 3-м врач-неврологэу Ларисэ илъэс 20-м къехъугъэу Iоф щешIэ. Апшъэ­рэ категорие зиIэ врач, медицинэ шIэныгъэхэмкIэ кандидат. Джащ фэдэу ар АР-м и Къэралыгъо Со­вет — Хасэм идепутат. ИIофшIэн­кIэ гъэхъагъэу иIэхэм афэшI Лука Крымскэм ыцIэкIэ агъэнэфэгъэ медалыр, нэмыкI тын лъапIэхэр, щытхъу ыкIи рэзэныгъэ зыхэлъ тхылъхэр бэу къыфагъэшъошагъэх.
Ау ахэр арэп мэхьанэ зиIэр. Къыхэзгъэщынэу сызыфаер зисэнэхьат шIу зылъэгъоу, фэшъыпкъэ IэзакIохэм зэращыщыр ары. Сэ сшъхьэкIэ сысымаджэу бэрэ сео­лIэнэу хъугъэ. Сыдигъуи гуфэбэны­гъэ, щэIагъэ, гукIэгъушхо хэлъэу къыспэгъокIы. ЗишIуагъэ къысэкIырэ Iэзэгъур къысфегъэнафэ. Сэ сизакъоп, ар нэмыкI сымаджэхэми къыхагъэщы. Ежь врачым ренэу еIо: «Хымэ лыуз хъурэп, сипшъэ­рылъ сэгъэцакIэ».
Кушъу Ларисэ щысэ зытырихын иI. Янэу Татьянэ Якъубэ ыпхъури неврологэу Iоф зишIэрэр илъэс 40-м ехъугъ, зэрэфэлъэкIэу цIыфмэ ишIуагъэ арегъэкIы. Джы Лари­сэ ипшъашъэу Лейлэ ахэм ягъогу къыхихыгъэу Пшызэ къэралыгъо медицинэ институтым щеджэ.
Гъатхэм имэфэкI дахэхэм ащыщэу бзылъфыгъэхэм я Дунэе ма­фэкIэ Ларисэ сыфэгушIо. ЦIыфмэ ишIуагъэу аригъэкIырэм хигъэхъо­нэу, щыIэкIэ дахэ, псауныгъэ пытэ иIэхэу щыIэнэу сыфэлъаIо.
Хъунэго Таис.
IофшIэным иветеран.