Мыекъопэ къэралыгъо технологическэ университетым щагъэцэкIэрэ программэу «Къулыкъу ахьызэ егъэджэгъэнхэр» зыфиIорэм къыды­хэ­лъытагъэу дэеу зылъэгъухэрэм ыкIи хьафизэхэм апае хэушъхьа­фыкIыгъэ тхылъхэр къыдагъэкIых.

Проектым къыкIэкIогъэ IофыгъошIухэм ащыщ машIом пэшIуекIогъэным ыкIи ар щынэгъончъэным афэгъэхьыгъэ къы­дэкIыгъохэу зитираж бэ мыхъу­хэрэр гъэхьазырыгъэнхэр. Ахэм ялъэтегъэуцо зымылъэгъу­хэрэм я Адыгэ республикэ хэушъхьафыкIыгъэ тхылъеджапIэ щыкIуагъ. Ащ хэлэжьагъэхэр творческэ проектым нэIуасэ фэхъугъэх, джэгукIэхэм ахэлэ­жьагъэх, джащ фэдэу социокультурнэ щыIакIэм хэзыгъэ­гъозэхэрэ зэфыщытыкIэ-зэдэ­гущыIэгъоу фэбагъэ зыхэлъыгъэр рагъэкIокIыгъ.
«Тистудентхэр зин-культурэм идунае хэхьагъэх, хэушъхьафы­кIыгъэ къыдэкIыгъохэм адэлэ­жьэнхэу загъэсагъ, мастер-­классхэм ахэлэжьагъэх ыкIи ежь-ежьырэу хэутыныр агъэ­хьа­зырыным Iоф дашIагъ. Ана­хьэу къадэхъугъэр Екатерина Кореевам ыкIи купэу ПБ-21-м машIо щынэгъончъэнымкIэ зиным илъэтегъэуцоу зэхащагъэр ары», — къыщыхагъэщыгъ МКъТУ-м ипресс-къулыкъу.