ФутболымкIэ Адыгеим икIымэфэ чемпионат иаужырэ я 13-рэ тур непэ рагъэжьэщт. Стадионэу «Юностым» ешIэгъу гъэшIэгъонитIу щыкIощт.

Пчыхьэм сыхьатыр 7-м «Тульскэр» респуб­ликэ спорт еджапIэм зыщызыгъасэхэрэм (2009-рэ илъэсым къэхъугъэхэм) аIукIэщт. Тульскэм илIыкIохэм текIоныгъэр къызыдахыкIэ, ятIонэрэ чIыпIэр къахьыщт. Ащ ыуж «Космосымрэ» «Спортмастерымрэ» зэде­шIэщтых. Апэрэр ящэнэрэ чIыпIэм фэбанэ.
Джащ фэдэу гъэтхапэм и 9-м зэде­шIэщтых: «Олимп» — «Ошъутен», «Хьатыгъужъыкъуай» — «Кавказ Адэмый», «Космос» — «Альянс», «МФОК Ошъутен» — «Спортмастер».
Шъугу къэдгъэкIыжьын, апэрэ лигэм ичемпион хъугъэ командэу «Ошъутенэр», ащ очко 34-рэ ригъэкъугъ. «Тульскэр» ятIонэр (очко 28-рэ), «Легионыр» ящэнэрэ чIыпIэм щыт (очко 26-рэ). Ахэм къакIэлъэкIох «Спортмастер-2-р» (очко 26-рэ) ыкIи «Космосыр» (очко 22-рэ). Адрэ команди 9-мэ хагъэунэфыкIырэ чIыпIэхэр къыдахын амал яIэжьэп.