ЩынэгъончъэнымкIэ Федеральнэ къулыкъум Адыгэ Респуб­ликэмкIэ и ГъэIорышIапIэ почтэ зэпхыныгъэм фэгъэзэгъэ Федеральнэ къулыкъум Адыгэ РеспубликэмкIэ и ГъэIорышIапIэ икъутамэу Каменномостскэм щыIэм ипэщэгъэ, илъэс 31-рэ зыныбжь Оксана Смирновам игъогупэ фыпибзыкIыгъ.
Нафэ къызэрэхъугъэмкIэ, IэнатIэу ыIыгъыр къызфигъэфедэзэ, О. И. Смирновам пенсиехэу, социальнэ ахъщэ IэпыIэгъу­хэу цIыфхэм аIукIэн фаехэр кассэм рихыхэти, зэрэшIоигъоу къызфигъэфедэщтыгъэх ыкIи Iахьзэхэлъ обществэу «Урысыем ипочтэ» иэлектрон базэ зигугъу къэтшIыгъэ ахъщэхэр цIыфхэм зэраратыгъэм фэгъэхьыгъэ къэбар нэпцIхэр ритхэщтыгъэх.
Пащэр хэбзэнчъэу зэрэзекIуагъэм къыхэкIэу почтэ зэпхыныгъэм фэгъэзэгъэ Федеральнэ къулыкъум Адыгэ РеспубликэмкIэ и ГъэIорышIапIэ чIэнагъэу ышIыгъэр сомэ мин 950-м ехъу.
Адыгэ Республикэм и Мыекъопэ район хьыкум Урысые Федерацием и Уголовнэ кодекс ия 160-рэ статья ия 4-рэ Iахь зигугъу къышIырэ бзэджэшIагъэ зезыхьэгъэ бзылъфыгъэм илъэси 5 хьапс тырилъхьагъ.
Хьыкумым иунашъо хэбзэ кIуачIэ иIэ хъугъэ.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу