Адыгеим щыпсэурэ цIыфхэм Лъэпкъ гвардием къыра­хьылIэжьыгъэ шхонч 30-м ехъу хэушъхьафыкIыгъэ дзэ операцием хэлажьэхэрэм аIэкIагъэхьагъ.

Лъэпкъ гвардием лицензие-Iизын IофхэмкIэ игупчэу Мыекъуапэ щыIэм цIыфхэм яунэе шэкIо шхонч къырахьылIагъэхэр къулыкъушIэхэм къаIа­хыгъэх.
Адыгеим щыпсэухэрэм цIыф зэрымыс къэзыбыбыхьэрэ пыим иаппарат пэшIуекIорэ шхонч 34-рэ къызэ­кIамыгъэкIожьынэу къатыжьыгъ. Ахэр хэу­шъхьафыкIыгъэ дзэ операцием хэлэжьэрэ подразделениехэм аратыгъэх.
— КъыхэкIых дроныр къезыутэхырэ Iашэм нахьи зэшъхьэзэшъо шхончхэм нахь яшIуагъэ къакIоу ыкIи метрэ 50-м нэсэу цIыф зэрымыс къэзыбыбыхьэрэ пыим иаппарат къыриутэхын елъэкIы, — къыIуагъ Лъэпкъ гвардием ишъо­лъыр гъэIорышIапIэ ипащэ игуадзэу, лицензие-Iизын IофшIэнымкIэ Гупчэм ипащэу Чыназыр Анзаур.
Офицерым джащ фэдэу къыIуагъ ли­цензие-Iизын IофшIэнымкIэ республикэ къутамэхэм цIыфхэм Iашэхэр арахьы­лIэнхэ зэралъэкIыщтыр. Ащ пае гупыкI яIэу Iашэр зэратыжьырэм, джащ фэдэу хэушъхьафыкIыгъэ актым изэзэгъыныгъэхэм акIэтхэнхэ фае.