ТхьакIумкIыхьэм имэфэкI

ТхьакIумкIыхьэм зызэблехъу —
Ос къесыгъом фыжьы мэхъу.
Осыр фыжьы, ежьри фыжь…
ТхьакIумкIыхьэр къэ-гъо-тыжь!

ТхьакIумкIыхьэм бэ къыдэхъу —
Ос къызескIэ, бланэ мэхъу!
Сыдэу-сыдэу-сыдэу дэгъу! —
Ос фыжьыбзэр иныбджэгъу!

Абрэдж Сафият

Зы лъытакI

КIэлэцIыкIухэр, зы лъытакIэ
ШъозгъэшIэныр сыгу къихьагъ:
МышкIу, мышIку, мышкIу закIэу
IэхъомбипшIым телъытагъ.
МышкIу, мышкIу — къэсэлъытэ,
Зы хэсэхышъ, цызэм пай.

Мыдрэ мышкIур кIышъо пытэшъ,
ЗгъэтIысхьани — зы чъыгай!
МышкIу, мышкIу, мышкIу хъоеу
Мэзы чIэгъым щысэшып.
МышкIу, мышкIу — къэсэлъытэ,
МышкIу закIэу дышъэ бжыб.

Бэрэтэрэ Хьамид