Мыекъуапэ щыкIуагъ я 7-рэ жэ биатлоныр. Ащ кIэщакIо фэхъугъ республикэм икъэлэ шъхьаIэ физическэ культурэмкIэ ыкIи спортымкIэ и Комитет.

Ыпэрэ зэнэкъокъухэм ялъытыгъэмэ, мызыгъэгум зэхащагъэм илъ гъогууанэр нахь кIыхьагъ. КIэлэцIыкIу командэхэм язэнэ­къокъу ыпэкIэ щыIэгъэ шапхъэхэм адиштэу рагъэкIокIыгъ, хъулъфыгъэ ыкIи бзылъфыгъэ командэхэм зызэраушэтыщтым зэхъокIыныгъэ мыинхэр фашIыгъэх.
Командэм хэт зы нэбгырэм жэр ещэ, адрэр ос IашкIэкIэ мэщэрыо. ХагъэунэфыкIырэ чIыпIэхэр къыдэзыхыгъэхэм зэнэ­къокъум къыгъэнэфэрэ пшъэры­лъым игъэцэкIэн такъикъым ехъу тырагъэкIодагъ. Охътэ анахь дэ­гъур къэзыгъэлъэгъуагъэр командэу «Щагъдый», ащ хэхьа­гъэх Константин ыкIи Дмитрий Логиновхэр. Мы нэбгыритIум хъулъфыгъэхэм язэнэкъокъу текIоныгъэр къыщыдахыгъ. Ахэм тIэкIу дэдэ ауж къинагъэх Вячеслав ыкIи Глеб Малевхэр (кIэлэцIыкIу командэхэр). Мы зэнэкъокъум зэлъыпытэу тIогъогогъо ичемпионэу «Симашкевичи» зыфиIорэм ахэр ыпэ ишъыгъэх.
Жэ биатлоным командэ 26-рэ хэлэжьагъ, хагъэу­нэфыкIырэ чIыпIэхэр 9-мэ къыдахыгъ.
КIэлэцIыкIу командэхэр:

1. «Медведи» (Вячеслав ыкIи Глеб Малевхэр);
2. «Симашкевичи» (Лев ыкIи Борис Симашкевичхэр);
3. «Паравозчик чух-чух» (Арсений Степаненкэмрэ Богдан Шапкинымрэ).
   
   

1. Бзылъфыгъэ командэхэр:
2. «Хрусталики» (Елена ыкIи Василий Барышниковхэр);
3. «Хакеры» (Инга ыкIи Никита Солодовникхэр);
4. «Скоростной пингвин» (Биданэкъо Камиллэрэ Хьэпэе Меланиерэ).
   

1. Хъулъфыгъэ командэхэр:
2. «Щагъдый» (Константин ыкIи Дмитрий Логиновхэр);
3. «Метеоры» (Даниил ыкIи Александр Гороховхэр);
4. «Боевой дракон» (Хьэпаехэу Муратрэ Руслъанрэ).

Джащ фэдэу зэхэщакIохэм нэмыкI зэнэкъокъухэри рагъэкIо­кIыгъэх, ахэм ахэлэжьагъэхэм осым пкъыгъо зэфэшъхьафхэр хашIыкIыгъэх. НэбгыриплIымэ шIухьафтынхэр афашIыгъ. Арсений Степаненкэмрэ Богдан Шапкинымрэ яIофшIагъэу «Снеговик биатлонист» зыфиIорэр анахь дэгъоу къыхахыгъ.

Жэ биатлоным хэлэжьагъэхэм зэкIэми шIухьафтынхэр араты­гъэх, хагъэунэфыкIырэ чIыпIэхэр зыубытыгъэхэм дипломхэр, медальхэр, текIоныгъэр къыдэзыхыгъэхэм кубокхэр афагъэшъошагъэх.