Анахь лъэшхэр къэнэфагъэх
СамбэмкIэ Адыгэ Республикэм ипервенствэ Мыекъуапэ щыкIуагъ. Илъэс 12 — 14 зы-ныбжь спортсменхэр ары зызыушэтыгъэхэр. Къырымрэ Севастопольрэ Урысыем къызэрэхэхьажьыгъэхэм зэнэкъокъур фэгъэхьыгъагъ.
Къащэчырэм елъытыгъэу бэнакIохэр купи 10-у гощыгъагъэх. Куп пэпчъ спортсмен анахь дэгъуи 4 къыщыхагъэщыгъ. ТекIоныгъэр къыдэзыхыгъэхэр: Шъэумэн Бислъан, Хьатхъохъу Илай, Нэхэе Тамерлан, ШъэуапцIэкъо Салбый, Кушъу Тамерлан, ПIатIэкъо Батыр, Бэгъушъэ Астемир, Бэгугъэ Ахьмэд, Георгий Феодосиади, ЖакIэмыкъо Тимур.
ТибэнэкIо ныбжьыкIэхэм ыкIи ахэр зыгъасэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.