Тэхъутэмыкъое районым ипсэупIэу Инэм дэс хъулъфыгъэм гъогурыкIоным ишапхъэхэр пчъагъэрэ зэриу­къуагъэхэм къыхэкIэу хэбзэухъумакIохэм тазыр шъэныкъом ехъу тыралъхьагъ.

ЗэкIэмкIи чIыфэу зэIуигъэкIагъэр сомэ мин 65-рэ мэхъу. Водителыр псынкIащэу зечъэщтыгъ, гъогу тамыгъэхэм къагъэнэфэрэ шапхъэхэр ыгъэцакIэ­щтыгъэхэп.
Хьыкум приставым Iофыр къызэрэзэIуихыгъэр
зэрыт тхьапэр чIыфэ зытелъым фагъэхьыгъ. Ащ мылъкоу иIэр зэрагъашIэзэ, 2012-рэ илъэсым къы­дагъэкIыгъэ автомобилэу «Hyundai Solaris» зыфиIорэр зэрэтетхагъэр агъэунэфыгъ. ГъогурыкIоныр щы­нэгъончъэнымкIэ Къэралыгъо автоинспекцием икъулыкъушIэхэм Iофтхьабзэу зэхащагъэм ишIуагъэкIэ чIыфэ зытелъыр зыдэщыIэр камерэмкIэ къыха­гъэщыгъ. Хьыкум приставхэр мы чIыпIэм псынкIэу къэсыгъэх ыкIи машинэм арест тыралъхьагъ. Ащ ыуж ныIэп хъулъфыгъэм чIыфэу телъыр къызипщыны­жьыгъэр.
ЧIыфэ шъутелъмэ зэжъугъэшIэнэу шъуфаемэ е нэмыкI Iофыгъо горэм шъуегъэгумэкIымэ, хьыкум приставхэм я Федеральнэ къулыкъу Адыгэ Респуб­ликэмкIэ и ГъэIорышIапIэ иофициальнэ сайтэу «https//r01.fssp.gov.ru/» зыфиIорэм, джащ фэдэу къэралы­гъо фэIо-фашIэхэм япортал яамалхэр къызфэжъугъэ­федэнхэ шъулъэкIыщт.