КIымафэр агъэкIотэжьы
Чыристан диныр зылэжьыхэрэм кIымафэр зэрагъэкIотэжьырэ мэфэкIэу МасленицэкIэ заджэхэрэр хагъэунэфыкIыгъ. мыщ фэгъэхьыгъэ Iофтхьабзэхэр республикэм щыкIуагъэх. Лицееу N 35-м мэфэкI тхьамафэр гъэшIэгъонэу щызэхащэгъагъ.
МэфэкIым къыдыхэлъытагъэу еджапIэр агъэкIэрэкIагъ, мыщ фэгъэхьыгъэ егъэджэн сыхьатхэр кIэлэеджакIохэм афызэхащагъ. Ижъ-ижъыжьым къыщегъэжьагъэу Масленицэм итамыгъэр хьанцэгуащ. Ащ ишIынкIэ зэнэкъокъу рагъэкIокIыгъ, джащ фэдэу тхъужъэутэхэр къырахьылIагъэх ыкIи класс пэпчъ зиIанэ анахь дэгъоу зыгъэкIэрэкIагъэр къыхахыгъ.
Iофтхьабзэм къыдыхэлъытагъэу лицеим зэнэкъокъухэр, джэгукIэ зэфэшъхьафхэр, ермэлыкъыр ыкIи нэмыкI гъэшIэгъоныбэ щызэхащагъ.