Станицэу Динскоим самбэмкIэ щыкIогъэ краим изэнэкъокъухэм Адыгеим ибэнакIохэм медалибгъу къыщахьыгъ.

Турнирэу «Лига самбо. Южный рубеж» зыфиIорэм иятIонэрэ уцугъо алырэгъум щызэIукIагъэ­хэм яанахь спортсмен дэгъухэр къэнэфагъэх. Нэбгырэ 200 фэдиз зэнэкъокъухэм ахэлэжьагъ. КIалэхэу илъэс 16 — 18 зыныбжьыхэр Пшызэ шъолъыр, Адыгэ Республикэм ыкIи Ставрополь крайхэм ямуниципалитет 15-мэ къарыкIыгъэх.
Адыгэ Республикэм ибэнэкIо нэбгырих финалым нэсыгъэх, спортсмениплIымэ кIэух зэIукIэгъухэр къахьыгъэх: Батмэн Амин, Цэй Алый, Хьакъуй Эльдар ыкIи Хьабэхъу Салбый.
Тыжьыныр къыдахыгъ Къэ­рэбэш Заурбыйрэ ЛIыбзыу Зауррэ. Джэрз медальхэр къа­фагъэшъошагъ Апыщ Ислъам, ЛIыхъукI ТIахьир ыкIи Бэгъ Салим.